عفريت إسمه القائمة والمؤخر ....

الاخوة والاخوات في سؤال محيرني ... ويارب تساعدوني في الجواب عليه أو المناقشة فيه ....

هوموضوع القائمة والمؤخر ... إلي بقى عامل زي عفريت بيركب على كل شاب ... يقبل على الزواج ....

يعني مثلا في قصة بسيطة قوي لسه حاصله مع صحبتي قريبة مني جدا ... جالها عريس عن طريق الصالون ...

يعني زواج صالونات زي مابيقوله ... هو بصراحه البنت وأمها .... إتفقوا مع الأب إنه لما يشرف المحروس أول مرة يعني ... يجلسه في الصالون .... ولكن الأب ... بينفذ إلي في دماغه ... راح اجلسه فى الأنتريه ... يلا حصل خير ...

المهم ... تلك هي النظرة الأولى الشرعية يعني ... شافها شافته ... إرتاحوا لبعض ... يعني حصل قبول من الطرفين ....

طب ياخوانا نجيب الأهل عشان يشوفوا العروسة ... لالالالا طبعا ... لازم تيجي تجلس مع العروسة وتتكلموا مع بعض ... يعني ... وربنا يسهل ...

جه المرة الأولى ... قالها هااا أجيب أهلي ...

قالتله لأ عايزة لقاء ثاني معرفش كان إيه غرضها ... وخصوصا إنه ياعيني قلق ... بس بصراحة البنت قالتلي أنا والله كان نيتي خير أنا كان قصدي أتعرف عليه أكثر ... إلي حصل بقى ... مرت مدة... بتاع عشر ايام إسبوع كده ... إتصل وجاب أهله ...

أه العروسة عجبتنا وكل حاجه ها نسمي الله ونقرأ الفاتحة .. الأب لالالالالالا ... مش دلوقتي لما نيجي عندكم .... الأب قصده يعني إنه يشوف وضع بيت المحروس إلي كان متربي فيه ...

يشوف البيئة بمعنى أصح ... حصلت الحكاية دى بعد إسبوع ثاني وخصوصا يعني إن المحروس
سفرياته كثيره يعني ... المهم ...

البيه بيكسب حلو من شغله شافو شقته عامل فيها شغل كويس .... والله الراجل شقي يعني وتعب وكافح عقبال ماعمل الحاجه إلي عملها في شقتة ...

الشقة عجبت أهل العروسة ...

وكله تمام التمام ,,,,

مر إسبوع كمان ... وجه المحروس قابل الأب عشان يشوف طالباته إيه ....

كل واحد فيهم قال إلي عليه وإلي ليه .... بس الأتفاق الأخير خلوه كمان إسبوع ...

في الأسبوع ده حصل مية حاجه وحاجه ... زي مايكون ربنا بيختبرهم ... أو أو أو الله أعلم وقتها ...

مرة أمه كانت تعبت شوية .. ... ومرة حالة وفاة من قبل أقارب العروس ..

ده غير إمتحانات الأعدادية ... والثانوية ... والليسانس ... ياعيني عند أهل صحبتي كان .. مدرسة وجامعة في نفس الوقت ...

بعد جه اليوم عشان يحصل الأتفاق ... الثابت عشان يحددوا مواعيد ... الخطوبة والفاتحة ..

وإتكلموا في تفاصيل ... إنت عليك كذا وإنت كذا ... جه الأب يقووول .. القائمة والمؤخر ...

قالوا لالالالالالالالالالا الكلام ده مش في عيلتنا ....

طبعا الأب لالالا ده شئ معروف ومشروع ... وووأخره ...

ومن هنا بدأ ... القلق من قبل العريس .... حيث أنه بدأ الإنسحاب ......

وهذا هو محور سؤالي ..

_ هل هو نيته غير حسنة ... على أساس أن البعض ... يوافقون على هذه الأشياء لإثبات حسن النية .... ؟؟؟

_ أم هل هو يخاف من المبلغ الذي سيحدد ويقول في نفسه... طيب لو حصل إنفصال لا قدر الله أدفع المبلغ ده إزاي ؟؟؟

_ وبناءا على السؤال السابق هل ده معناه إنه مش واثق في نفسه ؟؟؟؟

_ ولا هو مثلا يخاف ... من فكرة القائمة إلي مع المؤخر ...على أساس إن القائمة معناها إن كل العفش تكتب للعروس ؟؟؟

_ هل الأهل لما يطلبوا مؤخر وقائمة ... ياترى غرضهم إيه معقولة ... في منهم قصدهم عشان يضمنوا إني هو ما يطلق بنتهم .. ده على أساس لوحطوا مبلغ كبير ؟؟؟

ولا الأهل مثلا ... قصدهم إنهم يأمنوا مبلغ لبنتهم لو جوزها طلقها ؟؟؟؟

_ طيب مافي قانون الخلع في مصر يعني لو الواحدة جوزها زهقها في عيشتها تبقى عايزة تخلعه ... بس مش هتاخد منه أي حاجه ؟؟؟

_ هل لو أهل الفتاه ... لم يطلبوا مؤخر وغيره ... يبقى ده معناه إنهم رخصوها

وبكده ممكن جوزها يفرط في أي وقت ؟؟؟؟

لا حول ولا قوة إلا بالله ...

لو كان كل شاب فكر بهذه الطريقه ... عمره لا هايتجوز .... ولا يستقر...

وكمان البنت تتعقد من كده ....

ياجماعة أرجو المناقشة في هذاالموضوع للأفادة والإستفادة ....

توبيك جميل والله يامان

المشكلة ان الموضوع ده سائد جدا في مصر

انا شايف ان السبب الأول للمشكله دي هو عدم الوثوق في الزوج

لو اهل العروسة واثقين في الزوج المفروض بلاش الكلام الفاضي ده

هما هيأمنوا على بنتهم وشوية حاجات فاضية هي اللي هتكون مشكلة يعني !!!

كل ده المفروض يطون حاجات فرعية في مشوار الزواج ليس إلا

بس دلوقتي على أساسه يتحدد الزواج يتم ولا لا

معاهم حق اهل العروسه والله شباب قصدي ولاد اليومين دول صعب الثقه فيهم

حياة كتب:: معاهم حق اهل العروسه والله شباب قصدي ولاد اليومين دول صعب الثقه فيهم

احم احم

معاهم حق لانها بنتهم و عايزين يامنوا عليها كويس
بس برده ميبقاش المفروض المبلغ كبير لدرجادي يكون
مبلغ معقول عشان انت بتقول ان هو عامل الشقه حلوه
يعني اكيد صرف فلوس كتير المفروض اهل العروسه
يامنوا عليها بس بالمبلغ المعقول و ربنا يفقهعم و يتفاهموا ان شاء الله

ريقه المنتدي كتب:: معاهم حق لانها بنتهم و عايزين يامنوا عليها كويس
بس برده ميبقاش المفروض المبلغ كبير لدرجادي يكون
مبلغ معقول عشان انت بتقول ان هو عامل الشقه حلوه
يعني اكيد صرف فلوس كتير المفروض اهل العروسه
يامنوا عليها بس بالمبلغ المعقول و ربنا يفقهعم و يتفاهموا ان شاء الله

::
معلش يعني اذا كانوا مامنين عليها في بيت زوجها يبقى الفلوس عمرها ما تكون ضمان ليها من اي حاجة وحشة لا قدر الله

ما هو طالما هي موافقة على الزوج ده يبقى مافيش حاجة بعد كده حتى لو كانت الفلوس تقدر تزود حاجة في الموضوع

هو مسالة الفلوس دي ممكن تكون بين الزوج والزوجة في طلبات المنزل او الأثاث وتجهيز المنزل بس .. المفروض عمرها ما تكون من شروط الزواج

» اعلان القائمة الأفريقية 30 ديسمبر الجارى
» تسعة من الأهلي في القائمة الأولية للمنتخب و ضم شبيطة
» لجنة الكرة تجتمع اليوم لبحث القائمة الافريقية
» الإسماعيلي يستبعد عبدربه من القائمة الأفريقية بعد إصابته بـ"الصليبي"
» البدري يستقر على غدار في القائمة الأفريقية استعداداً للاسماعيلي