الهارب يلعب لسيون ببطاقه مؤقته

الهارب يلعب لسيون ببطاقة مؤقتة والأهلى يتظلم أمام المحكمة الرياضية

أصدر القاضي الأوحد بالاتحاد الدولي لكرة القدم – الفيفا- قراراً بمنح الحارس الهارب بطاقة مؤقتة من أجل اللعب لنادي سيون السويسري وبدون أن توقع عليه أي غرامات نتيجة للأضرار التى سببها اللاعب الهارب لفسخه عقده مع ناديه السابق النادي الأهلي.

كما منح القاضي النادي الأهلي حق التظلم علي القرار أمام المحكمة الرياضية خلال المدة القانونية لذلك.

ومن جهته أكد الأستاذ إبراهيم المنيسى رئيس تحرير مجلة الأهلى أن القرار الرسمى وصل أتحاد كرة القدم المصرى منذ ثلاث ساعات – تقريباً- وقام الأتحاد المصرى بدوره بأبلاغ النادى الأهلى رسمياً بالقرار

. وأكد إبراهيم المنيسى أن قرار الفيفا كان متوقعاً حيث تنص لوائح الفيفا على عدم تجميد اللاعبين الذين يدور حولهم النزعات من ممارسة اللعبة وهو الأمر المتعارف عليه فى مثل هذه القضايا .

وأرجع المنيسى قرار القاضى الأوحد فى منحه بطاقة مؤقتة للعب فى سيون إلى رغبة الهارب الذى وقع على إقرار يفيد رغبته فى اللعب لسيون نظراً للأضطهاد الذى يعانى منه اللاعب من النادى الأهلى – على حد قول اللاعب- وهو ما تم الأستناد عليه فى قرار القاضى الأوحد.

وأنهى المنيسى تصريحاته وقال أن النادى الأهلى مستمر فى القضية وسيلجأ للمحكمة الرياضية للبحث عن إعادة حقوقه من الهارب ناكر الجميل.

ميرسي على الموضوع

بس الاهلي عاوز ايه تاني من الحضري بقى

يخلوه في حاله بقى

الاهلي وجوزيه هيضمروا الحضري والله اكتر من كده

ميرسى ليك على الرد
بس انا شايفه ان الاهلى قدم كتير اوى لعصام ومكنش ابدا يستحق اللى عصام عمله فيه ولو كان عصام قدم للاهلى حاجه فالاهلى هو اللى عمل عصام وفضل وراه لحد مبقى احسن حارس فى افريقيا وفى الاخر يهرب ويهرب لفين لفريق صغير فى سويسرا ويارته كمان كان معطى فرصه لامير معاه انه يظهر لا فى الاخر ساب الاهلى حتى من غير اى انذار قبل مايمشى
بس عادى الاهلى زى معمله هيقدر يعمل غيره وبعدين عصام هو اللى دمر نفسه محدش دمره لان هو اللى اختار فيستحمل بقى

وميرسى اوى على الرد والمتابعه

الحضري غلطان ماشي

والاهلي عاقبة ومنعه من دخول النادي تاني

فمن حق الحضري بقى يعمل اللي هوه عاوزه

يعني يلعب لسيون بس ما ليمومش دعوه بيه تاني

الاهلي قاعد يطارده وماشي وراه وبيطلع فضايحة وبيصوره للناس بصورة وحشه جدا

فعلا الحضري غلط وهوه دلوقتي اكيد ندمان وبيتعاقب دلوقتي

المفروض بقى الاهلي يخليه في حاله وما يتكلموش عنه تاني

والمفروض الصفحة بتاعت الحضري دي الاهلي المفروض يطويها

وبدل الكلام عن الحضري يجهز امير والحارس الاحتياطي بتاعه كويس علشان المسابقات الكبيرة لسه جايه

وربنا يوفقه يارب علشان كل ده في مصلحة المنتخب

الكلام عن عصام الحضرى هو اهانه للمتحدث لانالحضرى باشا المولود فى سيون ومش فى كفرالبطيخ يتحدث عن الاهلى وكانه ظلمه طول حياته وكان كل ماهو فيه هذا من سيون الذى تربى فيه الحضرى اخص اخص اخص ياهارب ياناكر الجميل والله خصاره الكلام عليه وكفايه اهانه فى نفسنا

اكيد الحضري غلط

ويستحق اللي حصل له

بس المفروض الاهلي يخليه في حاله بقى

ويجهز حراس مكانه

بص يا احمد الاهلى طول الفتره متكلمش ومفيش ولا مسئول من اداره النادى اتكلم عن الاهلى والكلام اللى بتقول عليه وتشويه صوره الحضرى دى كانت من وسائل الاعلام مش من النادى الاهلى واللى هى تعتبر محايد لا مع الاهلى ولا مع عصام
اللى اتكلم من الاهلى كان احمد ناجى واظن ده معاه حق جداااااا لانه صدمته فى عصام كانت اكبر من اى حد
وبعدين الاهلى فعلا بيجهز امير وبدا صفحه جديده لان الاهلى هو الاهلى
بس الاهلى برده لسه ليه حقوق عند عصام والا كده ممكن اى لاعب يسيب فريقه ويمشى ويمضى لاى نادى ولو ناديه فكر يعاقبه نقول هو بيعمل معاه كده ليه ميسيبه فى حاله

الاهلي صغر نفسه كنير امام الناس كلها

وحتى امام العالم والفيفا

لما الاهلي لسه مش عاوز ينهى الحوار ده ويغلقه

والمفروض ملف الحضري الاهلي يقفله وينظر للامام

ويخلوه بقى في حاله

مش اسمها مصغر نفسه يا احمد اسمها بيطالب بحقه وبيدافع عن مبادئه وعن الطريقه اللى عصام فرضها عليه
وصدقنى لو الاهلى وافق وعدها هيظهر الف عصام ومش فى الاهلى بس فى كل الانديه

ياجماعة انتو بتتكلمو عن الاهلى كدة وكأن عصام الحضرى هو اللى صنع تاريخ الاهلى مش الاهلى اللى جابه من كفر البطيخ بكفر الشيخ وعمله بنى ادم
وانا هقولكو دلوقتى على خبر بسيط اوى ياكد اد ايه النادى الاهلى اكبر من اى حد وكل مرة يضربلنا مثل فى الاخلاق والمبادئ:
الاهلى من كام يوم عمل قائمة خاصة بمكافات اللاعبين عن حصولهم على الدورى لعام 2007/2008 وعارفين ايه بقى الخبر
ان الاهلى اول اسم ضمه فى القائمة هو اسم الحضرى على الرغم من الى عمله الحضرى دة كله بس الاهلى هو الاهلى
وبعد كدة لسه بتقول يااحمد ان النادى الاهلى صغر نفسه طب فهمنى ازاى بقى ياابو حميد بعد دة كله الاهلى غلطان وعلى فكرة الاهلى مش عايز حاجة من الحضرى ولا من غيره هو بس بيدافع عن سياسة معينة ومبادئ طول عمره بينفضها ودة السبب اللى مخلى الاهلى فى دورى وبقيت اندية مصر بلا اسثناء فى دورى تانى ولو الاهلى معملش كدة يبقى زيه زى الزمالك وبقيت فرق دورى درجة خمسة وهو مش عايز اكتر من انه يحفظ حقه واللاعبين ياخدو بالهم وفى الاخر انا بحترم وجهة نظك جدا ياابو حميد
:أهلي:

ايه الحوار الجامد ده

اخلع انا بقى Very Happy

نورعينى كتب:: مش اسمها مصغر نفسه يا احمد اسمها بيطالب بحقه وبيدافع عن مبادئه وعن الطريقه اللى عصام فرضها عليه
وصدقنى لو الاهلى وافق وعدها هيظهر الف عصام ومش فى الاهلى بس فى كل الانديه

الاهلي حقه يدافه عن حقوقه

بس ليه الاهلي بيتجسس على الحضري في سيون

يعني الاعلام وراه وراه واكيد الاهلي عنده خبر بالكلام ده

المفروض الاهلي يدافع عن حقوقه مش يدمر اللاعب

يعني فيه فيفا المفروض الاهلي يقدم الملف للفيفا والفيفا تقول الاهلي ياخد حقوقه ولا لا

يعني كل ده المفروض يحصل من غير ما يكون الحضري طرف في الحكايه دي

والاهلي صغر نفسه انا قصدي ان الاهلي بيجري وراء اللاعب حتى في سويسرا
وبيكتب كلام في الصحافه تسيئ لللاعب واكيد تسيئ للاهلي لطالما الحضري كان في النادي
يعني لما الاهلي يمشى وراه كده ويطلع فضايحه لللاعلام وللجماهير
بكده الاهلي ما يكونش ضغر نفسه ولا لا ؟؟؟؟

يعني الاهلي نادي عريق وعالمي المفروض يجهز مكان الحضري 10000 حضري
ويتخلى عن الحوارات دي

اصل الحضري مش هيرجع النادي تاني

وهوه عارف انه موجود في المنتخب والحكايه دي مش قلقاه

يعني كل واحد المفروض يبقى في حاله

والاهلي بس ما ليهوش كلام الا مع الفيفا وبس

اهلاوى على طول كتب:

ياجماعة انتو بتتكلمو عن الاهلى كدة وكأن عصام الحضرى هو اللى صنع تاريخ الاهلى مش الاهلى اللى جابه من كفر البطيخ بكفر الشيخ وعمله بنى ادم
وانا هقولكو دلوقتى على خبر بسيط اوى ياكد اد ايه النادى الاهلى اكبر من اى حد وكل مرة يضربلنا مثل فى الاخلاق والمبادئ:
الاهلى من كام يوم عمل قائمة خاصة بمكافات اللاعبين عن حصولهم على الدورى لعام 2007/2008 وعارفين ايه بقى الخبر
ان الاهلى اول اسم ضمه فى القائمة هو اسم الحضرى على الرغم من الى عمله الحضرى دة كله بس الاهلى هو الاهلى
وبعد كدة لسه بتقول يااحمد ان النادى الاهلى صغر نفسه طب فهمنى ازاى بقى ياابو حميد بعد دة كله الاهلى غلطان وعلى فكرة الاهلى مش عايز حاجة من الحضرى ولا من غيره هو بس بيدافع عن سياسة معينة ومبادئ طول عمره بينفضها ودة السبب اللى مخلى الاهلى فى دورى وبقيت اندية مصر بلا اسثناء فى دورى تانى ولو الاهلى معملش كدة يبقى زيه زى الزمالك وبقيت فرق دورى درجة خمسة وهو مش عايز اكتر من انه يحفظ حقه واللاعبين ياخدو بالهم وفى الاخر انا بحترم وجهة نظك جدا ياابو حميد

:أهلي:

اولا اشكرك يامان على المناقشه

فعلا الاهلي هوه اللي عمل الحضري ومش العكس
يعني متفقين ان الحضري يظل من ابناء النادي وهوه ليه مجهود في اللي وصله الاهلي حاليا

مش معني ان الاهلي كبير علشان حط الحضري في القائمة

ده واجب على الاهلي اصلا

لان الحضري كان موجود في ايام البطولات دي

والحضري مهما عمل او اخطا لمفروض يكون في قائمه النادي الاهلي العظيمة

مش كل لاعب يخطا خطا يكون منبوذ ولا حاجه

احنا لما بنكون زعلانين من لاعب مش بنذكر غير الاخطاء بس
يعني مش بنذكر الحاجات اللي عامله اللاعب للفريق ( الانجازات يعني ))

لا الاهلي دلوقتي عاوز الحضري وحتى لو مش عاوزه

المفروض ما يعملش معاه مشاكل

ويسيبه في حاله

هيه دي طريقه الاحتراف النهردة

فعلا الحضري غلط والاهلي من حقه يرفع الملف للفيفا والفيفا نتظر للموضوع وتحدد الحقوق لمين

وكل واحد بيحترم راي الفيفا

يعني انا عاوز اقول ان الاهلي بنسى الحضري خالص دلوقتي
ويخليه في حاله

ويجهز حراس مكانه

علشان البطولات اللي جايه

واولها كاس العالم

واشكرك يامان على المناقشه الجميله دي

وفعلا انا بحترم رايك وراي كل الاعضاء

ولو عندك مناقشه تاني

هات كل اللي عندك يا برنس

قلب

تحياتي

عاشق النادي الاهلي كتب:: ايه الحوار الجامد ده

اخلع انا بقى

قول اي كلمة كده لله

:lol: :lol:

ولا انت مستعجل شكلك كده

انا معاك يابوب ان الحضرى اشترك فى كل البطولات اللى فاتت ومنهم بطولة الدورى السنة دى كمان بس نا عايز اسال سؤال واحد
لو الحضرى كان بيلعب فى نادى تانى فى مصر وليكن الزمالك اولا هل كان هيوصل للمستوى اللى هو فيه والشهرة دى كلها وكان هيفضل 12 سنة الحارس الاول للزمالك وثانيا لو كان عمل اللى عمله دة مع الزمالك كان هيضيفو بردو فى قائمة المكافات زى الاهلى ماعمل.
دة الاهلى ياجماعة بردو :دخان:

بص يا احمد مين اللى قال ان الاهلى بيجرى ورى عصام فى سويسرا ولا حتى بيكتب عنه فى الجرايد
الاهلى اساسا مش فاضى للكلام ده
وبعدين الاهلى مش مسئول عن اى حد يكتب كلام عن عصام لان الكل شايف ان عصام غلط وضحى بالاهلى وباسمه مقابل الفلوس
بس مش اكتر والكل بيكتب رايه مش الاهلى هو اللى بيكتب ومتنساش ان عصام قضيه اللى بتشغل كل الناس وكل وسائل الاعلام والكل عاوز يكتب قبل التانى وده مش ذنب الاهلى خالص
وبعدين الاهلى لو مكنش كتب عصام فى اسامى المكافئات مكنش اى حد هيقدر يلوم الاهلى اساسا ولا عصام نفسه بس الاهلى فعلا اكبر من اى حاجه الاهلى مش يهمه الفلوس اكتر ميهمه القيم والمبادىء
والاهلى فعلا بيتابع القضيه مع الفيفا وباذن الله الحق هيرجع لصاحبه
وزى الفيفا بقالها شهور مش عارف تحكم فى قضيه حسنى وحكمت بسهوله اوى ببطاقه مؤقته لعصام الاهلى برده مش هيسيب حقه

اهلاوى على طول كتب:: انا معاك يابوب ان الحضرى اشترك فى كل البطولات اللى فاتت ومنهم بطولة الدورى السنة دى كمان بس نا عايز اسال سؤال واحد
لو الحضرى كان بيلعب فى نادى تانى فى مصر وليكن الزمالك اولا هل كان هيوصل للمستوى اللى هو فيه والشهرة دى كلها وكان هيفضل 12 سنة الحارس الاول للزمالك وثانيا لو كان عمل اللى عمله دة مع الزمالك كان هيضيفو بردو فى قائمة المكافات زى الاهلى ماعمل.
دة الاهلى ياجماعة بردو :دخان:

بالتاكيد لا يامان

الحضري لو كان في الزمالك عمره مش هيكون زي ما كان في الاهلي

يعني مستواه كان هيقل باستمرار

سوري يعني الزمالك ما فيهوش كورة

يعني ما فيش لاعب في الزمالك مستواه بيزيد خالص

انا شايف كده ولا ايه رايك يامان

يعني الكورة في الاهلي غير الكورة في الزمالك غير في الاسماعيلي

لاعيبه الزمالك مش بيتحسن مستواها زي لاعيبه الاهلي والاسماعيلي

ويظل الاسماعيلي بيقدم كورة جميله فعلا ( انا من رايي انه بيقدم كورة زي الاهلي ولربما افضل كمان ولكن ينقضه البطولات والانجازات )

نورعينى كتب:: بص يا احمد مين اللى قال ان الاهلى بيجرى ورى عصام فى سويسرا ولا حتى بيكتب عنه فى الجرايد
الاهلى اساسا مش فاضى للكلام ده

لا الاهلي ماشي ورى الحضري وبيتابعه
والدليل ان مجلة الاهلي لازم تحط موضوع اسبوعي للحضري وتنتقد فيه

يعني زي ما كان مكتوب قبل شهر

صورة للحضري وهوه ماسك مجله سيون وبيقرا فيها ( يعني الحضري مش بيعرف غير العربي )

مجلة الاهلي كاتبه تحت الصوره ( الحضري يقرا المجلة ولا بيتفرج على الصور )

يعني تدخل عجيب فعلا في شخصيه الحضري

يعني الراجل حر ممكن يكون بيعرف سويسري ولا حاجه
وغيره كتير

نورعينى كتب:: وبعدين الاهلى مش مسئول عن اى حد يكتب كلام عن عصام

ازاي طالما ان الاخبار دي من مجلة الاهلي

يعني الاهلي هيكون على علم بيها قبل ما تنزل المجلة دي للسوق

نورعينى كتب:: وبعدين الاهلى لو مكنش كتب عصام فى اسامى المكافئات مكنش اى حد هيقدر يلوم الاهلى اساسا ولا عصام نفسه

يبقى كده الاهلي مش بيحترم لاعيبته

يعني الحضري كان مع الاهلي في الانجازات دي قبل ما يمشي

الاهلي واجب عليه انه يحط اسمه في المكافات

واكيد برده ده دليل ان الاهلي فريق محترم

نورعينى كتب:: بس الاهلى فعلا اكبر من اى حاجه الاهلى مش يهمه الفلوس اكتر ميهمه القيم والمبادئ

اكيد اكيد

نورعينى كتب:: والاهلى فعلا بيتابع القضيه مع الفيفا وباذن الله الحق هيرجع لصاحبه
وزى الفيفا بقالها شهور مش عارف تحكم فى قضيه حسنى وحكمت بسهوله اوى ببطاقه مؤقته لعصام الاهلى برده مش هيسيب حقه

فعلا الاهلي كده تمام انه بيتابع القضيه مع الفيفا

وفي الاخر الفيفا اللي هيه عاوزاه هتعمله

زي قضيه عبد ربه كده

يعني انا شايف ان الفيفا مش بتحكم كويس

النقاش ده طول اوي

ميرسي يا نورا على النقاش

تحياتي

ميرسي كتير على هالخبر يعني الحضري كان لازم يحترف بس خان النادي الاهلي وشرد

الهارب يلعب لسيون ببطاقه مؤقته Uuia_i10

فارس الاحلام كتب:: ميرسي كتير على هالخبر يعني الحضري كان لازم يحترف بس خان النادي الاهلي وشرد

بس مش اسمها خيانه

اصل الكلمه دي كبيرة اوي

هوه احترف بس بطريقه غلط

وانا مش معتبرها خيانه ولا حاجه

اهلا بيك يا فارس الاحلام

تحياتي يابرنس

فارس الاحلام كتب:: ميرسي كتير على هالخبر يعني الحضري كان لازم يحترف بس خان النادي الاهلي وشرد

بس مش اسمها خيانه

اصل الكلمه دي كبيرة اوي

هوه احترف بس بطريقه غلط

وانا مش معتبرها خيانه ولا حاجه

اهلا بيك يا فارس الاحلام

تحياتي يابرنس

ممنوع الكلام عن عصام الحضري

حسن حمدي المتحدث الرسمي للأهلي في أزمة الحارس
والنادي يخاطب الفيفا مجددا لحفظ حقه

حالة من الهدوء سيطرت علي النادي الأهلي بعد سفر عصام الحضري حارس مرمي الفريق الي سويسرا مرة أخري في الوقت الذي تعكف فيه لجنة الكرة علي دراسة الموقف من جميع جوانبه من خلال الاجتماع الذي سوف تعقده خلال الساعات المقبلة برئاسة حسن حمدي والذي قرر ان يكون هو المتحدث الرسمي الوحيد في هذه الأزمة والتنبيه علي الجميع بعدم الادلاء بأي أحاديث أو تصريحات سواء جهازا فنيا أو إداريا أو لاعبين تخص عصام الحضري‏.‏

وقامت إدارة النادي بمخاطبة الاتحاد الدولي لكرة القدم فيفا مؤكدة أن الحارس كان ملتزما في تدريبات الفريق بلا مشكلات ويحصل علي حقوقه المالية بالكامل بما فيها راتبه عن شهر مارس الحالي والذي لم ينته بعد‏.‏

وقامت الإدارة بارسال اخطار من البنك الذي يتعامل معه النادي يؤكد حصول الحضري علي راتبه الشهري عن شهر مارس يوم الخميس الماضي للتأكيد علي أن الحارس يحصل علي جميع مستحقاته‏.‏

أكدت الإدارة أنه لم يتم خصم مليم من اللاعب حتي العقوبة المالية التي تم توقيعها بمجلسه لم يتم تنفيذها حتي الآن لأن الحارس حصل علي جميع حقوقه المادية مقدما بل إن اللاعب مدين للنادي بمقدم الموسمين المقبلين حيث سبق أن حصل علي‏25%‏ من قيمة عقده بالكامل عندما قام بالتوقيع علي العقد الجديد‏.‏

وينتظر الأهلي رد الاتحاد الدولي لدراسته بعناية واتخاذ القرار الذي يحفظ حقوق النادي لدي اللاعب والنادي السويسري الذي حصل علي خدمات الحضري دون وجه حق‏.‏

ممنوع الكلام عن عصام الحضري

حسن حمدي المتحدث الرسمي للأهلي في أزمة الحارس
والنادي يخاطب الفيفا مجددا لحفظ حقه

حالة من الهدوء سيطرت علي النادي الأهلي بعد سفر عصام الحضري حارس مرمي الفريق الي سويسرا مرة أخري في الوقت الذي تعكف فيه لجنة الكرة علي دراسة الموقف من جميع جوانبه من خلال الاجتماع الذي سوف تعقده خلال الساعات المقبلة برئاسة حسن حمدي والذي قرر ان يكون هو المتحدث الرسمي الوحيد في هذه الأزمة والتنبيه علي الجميع بعدم الادلاء بأي أحاديث أو تصريحات سواء جهازا فنيا أو إداريا أو لاعبين تخص عصام الحضري‏.‏

وقامت إدارة النادي بمخاطبة الاتحاد الدولي لكرة القدم فيفا مؤكدة أن الحارس كان ملتزما في تدريبات الفريق بلا مشكلات ويحصل علي حقوقه المالية بالكامل بما فيها راتبه عن شهر مارس الحالي والذي لم ينته بعد‏.‏

وقامت الإدارة بارسال اخطار من البنك الذي يتعامل معه النادي يؤكد حصول الحضري علي راتبه الشهري عن شهر مارس يوم الخميس الماضي للتأكيد علي أن الحارس يحصل علي جميع مستحقاته‏.‏

أكدت الإدارة أنه لم يتم خصم مليم من اللاعب حتي العقوبة المالية التي تم توقيعها بمجلسه لم يتم تنفيذها حتي الآن لأن الحارس حصل علي جميع حقوقه المادية مقدما بل إن اللاعب مدين للنادي بمقدم الموسمين المقبلين حيث سبق أن حصل علي‏25%‏ من قيمة عقده بالكامل عندما قام بالتوقيع علي العقد الجديد‏.‏

وينتظر الأهلي رد الاتحاد الدولي لدراسته بعناية واتخاذ القرار الذي يحفظ حقوق النادي لدي اللاعب والنادي السويسري الذي حصل علي خدمات الحضري دون وجه حق‏.‏

» رسميا الحضرى يطلب اللعب لسيون
» جوزيه : استغللنا أخطاء المنافس جيداً والحارس الهارب ماضى
» مرتضى منصور: شعرت أن الأهلي يلعب أمام أحد فرق الدرجة الثالثة
» القيعي: الأفريقي لا يلعب في مصر
» الترجى "نفسه" يلعب بجماهير