الاهلى لم يفاوضنى :ابراهيم سعيد

[size=18] [justify][b]نفى إبراهيم سعيد مدافع أنقرة سبور التركي تلقيه أي اتصالات به من الأهلي في تلك الفترة، وكانت تقارير قد ربطت بين اللاعب وناديه الاصلي بعد إصابة عماد النحاس مدافع الفريق الأحمر.

وقال سعيد في تصريحات لبرنامج "الرياضة اليوم" إن الأهلي لم يفاوضه رغم ما تردد عن اهتمام الأهلي بضمه.

وتعرض عماد النحاس الظهيرالحر الأساسي للأهلي إلى إصابة في الرباط الصليبي فيما يعاني أحمد فتحي لاعب الارتكاز من قطع في وتر أكيلس.

ويغيب اللاعبان ستة أشهر على الأقل.

إلى ذلك، أوضح سعيد أنه لا يستطيع العودة للزمالك في الفترة الحالية، مشيرا إلى أن مجلس الإدارة الحالي هو الذي تركه.

وأضاف أن مجلس الإدارة الحالي تركه ولا يمكنه العودة في ظل نفس المجلس، قائلا: "منذ فترة فاوضني الزمالك عن طريق أيمن منصور وبعد أن توصلنا لاتفاق تراجع رئيس الزمالك في قراره".

[/size][/b] الاهلى لم يفاوضنى :ابراهيم سعيد 3602458

[/justify]

اصلا الاهلي مش محتاج ابراهيم سعيد

انا والله بكره اللاعب ده اوي اوي

ومش عاوزه ييجي للاهلي

ميرسي يامن على الموضوع

يامان انا معاك انه غلطان كتير فى حق النادى الاهلى بس خلينا واقعيين احنا فى الاول والاخر تهمنا مصلحة النادى وبصراحة بعد الاصابات اللى حصلت مع عماد النحاس وشادى محمد ومش عارفين مصير وائل جمعة محتاجين فعلا حد يقود الدفاع فى النادى وابراهيم سعيد بتاع مشاكل ايوة انا معاك بس بجد هو احسن واحد دلوقتى مع وائل جمعة لو رجع تانى يقود دفاع الاهلى الفترة الجاية والمهم مصلحة النادى يامان والاهلى ليه الفضل الاول والاخير على ابراهيم سعيد وعلى غيره يبقى لازم لما يحتاج حد لازم يكون تحت امره وشكرا يامان على الرد ولو فى حاجة تانى قول يامان رايك

اولا سعيد يا باشا بالمناقشه معاك دي

وبعدين هوه كل لاعيب هيشوف نفسه

يقول انا همشي من الاهلي

يعني الاهلي بيكون فضله كبير على اللاعب وبعدين اللاعب ما يبرز كده

يقول انا مش هجدد للاهلي الا بشروط

زي ما كان فلافبو عاوز يعمل وبعدين جدد للاهلي زي الكلب كده
علشان هوه عارف انه مش هيلاقي فريق احسن من الاهلي يرضى ياخده عنده

ابراهيم سعيد ما هوه كان موجود في الاهلي قبل كده
المفروض كان حافظ على الفرصه دي
وكان لازم يحسن اخلاقه ويسيبه من شعره ده
وبكده كان هيضمن انه هيكون موجود في الاهلي طول عمره

بس اللاعيبه بتتنمرد مش عارف على ايه

وبالتاكيد كله لصالح النادي يامان
بس الراجل ده لما ييجي الاهلي تاني كده الاهلي هيرجع في كلامه
يعني النادي هوه اللي باعه وخلاه يمشي من النادي

وبعدين انا شايف ان الاهلي مش بيفكر فيه رغم الاصابات اللي في الدفاع
الاهلي وجوزيه انا شايفه متابع الشباب وبيشوف منهم

احسن ما الراجل ده ييجي للفريق تاني

ياابو حميد عندهم حق يتغرو فى نفسهم دول بيلعبو فى النادى الاهلى ودة اكبر دليل ان الاهلى اكبر نادى فى افريقيا وبعدين دة زى ماانت بتقول الاهلى اللى رباه يعنى يلف يلف وبردو الاهلى هو صاحب الفضل الاول بعد ربنا عليه يعنى لازم اول مايقولو يرجع لازم يرجع غصب عنه وبعدين هو عارف انه مش هيبقى نجم تانى الا لو رجع الاهلى وغيره لا واهو جرب ولعب فى الزمالك عملو ايه معاه فى الاخر بس الاهلى كل مرة بيحب يبين انه اكبر من اى حد عرفت انا اقصد ايه يامان وعلى فكرة انا مش بنافسك بس انا بستمتع بالكلام معاك بصراحة لانى بحس انك بتفهم كورة بجد وشكرا يامان على الاهتمام يابوب

ميرسى يا اهلاوى على الخبر
وانا راى صحيح ابراهيم سعيد لعيب حلو اوى والاهلى محتاجه بسبب اصابه النحاس واعاره جمعه بس للاسف اخلاق ابراهيم مش اخلاق النادى الاهلى وكل مره ابراهيم يطلع ويقول انا اتغيرت ويتاسف ويرجع تانى لنفس طبعه
يعنى هو خرج من الاهلى بمشكله وراح الزمالك وقاعد يقول انا بحب الزمالك وهعمله وبرده خرج من الزمالك بمشاكل
فابراهيم هو ابراهيم
وبالنسبه للاهلى متهيالى فيه لعيبه غير ابراهيم ممكن يشتريهم عشان البطوله الافريقيه
لحد مالناشئين زى محمد سمير يثبتوا نفسم

ياجماعة فى حاجة عايز الفت نظركم ليها ان جماهير النادى الاهلى بلا استثناء متقدرش تقعد موسم واحد من غير بطولة واحدة حتى عشان كدة انا بقول ان مصلحة النادى فوق اى اعتبار وبيتهيالى دلوقتى الاهلى عارف يعامل ابراهيم دة وامثاله ازاى وانا كمان بيتهيالى انه هيحترم نفسه بعد كدة خصوصا انه اتاكد انه مالوش اى لازمة الاوهو جوة النادى الاهلى ومهما راح او جه الاهلى هو اللى هيخليه نجم ويروح كمان المنتخب ويلعب اساسى بس بردو انا موافقكو فى الراى تماما بس انا اللى يهمنى هى مصلحة النادى عشان كدة الاهلى بيدور دايما على اللاعب الجاهز لان عارف ان الجمهور وشعبية النادى الاهلى فى العالم كله متقبلش غير ببطولة على اقل تقدير فى الموسم الواحد ودة قدر الكبار دايما ولا انا غلطان

اهلاوى على طول كتب:: ياابو حميد عندهم حق يتغرو فى نفسهم دول بيلعبو فى النادى الاهلى ودة اكبر دليل ان الاهلى اكبر نادى فى افريقيا وبعدين دة زى ماانت بتقول الاهلى اللى رباه يعنى يلف يلف وبردو الاهلى هو صاحب الفضل الاول بعد ربنا عليه يعنى لازم اول مايقولو يرجع لازم يرجع غصب عنه وبعدين هو عارف انه مش هيبقى نجم تانى الا لو رجع الاهلى وغيره لا واهو جرب ولعب فى الزمالك عملو ايه معاه فى الاخر بس الاهلى كل مرة بيحب يبين انه اكبر من اى حد عرفت انا اقصد ايه يامان وعلى فكرة انا مش بنافسك بس انا بستمتع بالكلام معاك بصراحة لانى بحس انك بتفهم كورة بجد وشكرا يامان على الاهتمام يابوب

الاهلي دلوقتي عنده الاصابات دي اللي في الدفاع والغيابات
زي جمعه والنحاس

فعلا الراجل كويس وانا معاك انه لو رجه الالهي تاني هيكون مستواه عالي جدا

علشان يضمن انه يكون في المنتخب في الفترة اللي جايه دي

بس قبل كل ده انا عاوز الاهلي وجوزيه يهتم بحسن مصطفى اكتر من كده

وبلاش الخلافات اللي هتضيع الراجل كده

يعني حسن دلوقتي في الاهلي المفروض يلعب الفترة اللي جايه

يعني ابراهيم سعيد لو راح الاهلي وفي ظل الغيابات دي هيلعب كويس وهيقولك انا اللي ماسك دفاع الاهلي

المفروض الراجل ده لو الاهلي كا نعاوز يجيبه المفروض يكون في ظل الناس اللي موجوده علشان نقول انه ولد كويس

يس الاهلي مضطر انه يفكر فيه

وفي الاخر كله لمصلحه الاهلي

انا سعيد جدا يامان على النقاش معاك انت ونورا
لان كده حاسس ان ما فيش حد بيناقش تاني

وميرسي يامان على المناقشه
انت شكلك كده جالك صداع :lol: :lol:

:شغل حلو: :شغل حلو: merci

نورعينى كتب:: ميرسى يا اهلاوى على الخبر
وانا راى صحيح ابراهيم سعيد لعيب حلو اوى والاهلى محتاجه بسبب اصابه النحاس واعاره جمعه بس للاسف اخلاق ابراهيم مش اخلاق النادى الاهلى وكل مره ابراهيم يطلع ويقول انا اتغيرت ويتاسف ويرجع تانى لنفس طبعه
يعنى هو خرج من الاهلى بمشكله وراح الزمالك وقاعد يقول انا بحب الزمالك وهعمله وبرده خرج من الزمالك بمشاكل
فابراهيم هو ابراهيم
وبالنسبه للاهلى متهيالى فيه لعيبه غير ابراهيم ممكن يشتريهم عشان البطوله الافريقيه
لحد مالناشئين زى محمد سمير يثبتوا نفسم

يعني رايك بلاش الراجل ده

انا كمان بقول ان الناشئين قطاع مهم جدا وبلاش شراء لاعبين
لغايه الموسم ده ما يخلص كده

اهلاوى على طول كتب:: ياجماعة فى حاجة عايز الفت نظركم ليها ان جماهير النادى الاهلى بلا استثناء متقدرش تقعد موسم واحد من غير بطولة واحدة حتى عشان كدة انا بقول ان مصلحة النادى فوق اى اعتبار وبيتهيالى دلوقتى الاهلى عارف يعامل ابراهيم دة وامثاله ازاى وانا كمان بيتهيالى انه هيحترم نفسه بعد كدة خصوصا انه اتاكد انه مالوش اى لازمة الاوهو جوة النادى الاهلى ومهما راح او جه الاهلى هو اللى هيخليه نجم ويروح كمان المنتخب ويلعب اساسى بس بردو انا موافقكو فى الراى تماما بس انا اللى يهمنى هى مصلحة النادى عشان كدة الاهلى بيدور دايما على اللاعب الجاهز لان عارف ان الجمهور وشعبية النادى الاهلى فى العالم كله متقبلش غير ببطولة على اقل تقدير فى الموسم الواحد ودة قدر الكبار دايما ولا انا غلطان

لا يامان كلامك كله تمام

فعلا مصلحة النادي فوق كل شئ بغض النظر عن وجهات الراي
والاختلاف حول اللاعيبه

وبالتوفيق دايما

على العموم ربنا يوفق النادى الاهلى يارب واللى هيلعب فى النادى الاهلى سواء بقى ابراهيم او هانى المهم اخوالنا البعدة يبطلوا كلام عننا...ولسة اخر حاجة بيقولوها عايزين يشتكو الاهلى لاتحاد الكورة قال ايه الاهلى ساب الماتش للاتحاد والله العظيم دى مهزلة كروية يعنى فريق يفضل طول الموسم يتلطش ويتغلب من طوب الارض ومتجيلوش الفوقة الا فى اخر الموسم ولما فرقة من اللى بتنافسه على بطولة القاع طبعا تكسب ولا تتعادل مع نادى من اللى فوق يجى يقولك الاهلى فوت الماتش طب انا عايز افهم اشمعنا الاهلى بس هو اللىبيفوت ماتشات يعنى الزمالك لما اتهزم من المصرى صاحبنا المحلاوى مفتحش بقه مع ان المصرى ساعتها كان قبل الاخير ولما اتعادل الزمالك بردو مع المقاولون طلع بردو نفس بتاع القماش يقولك المقاولون كان ند كبير للزمالك وكان يستاهل الفوز!!!!!! بجد انا قربت اشجع كرة الماء احسن....حسبى الله ونعم الوكيل فيك يابتاع القماش

مشكور بس ابراهيم سعيد بيضلوا لاعب النادي الاهلي

فارس الاحلام كتب:: مشكور بس ابراهيم سعيد بيضلوا لاعب النادي الاهلي

» ابراهيم سعيد ممنوع فى الاهلى
» خبر سعيد ..يهم النادى الاهلى
» الاهلى يفاويض هانى سعيد
» ابراهيم يتهم النادى الاهلى بالتفاوض مع الاعبين بدون الحصول على موافقة انديتهم .
» الاهلى يحاول ضم هانى سعيد مقابل التنازل عن حسنى عبدربه