مساء الخير
الاخوة الزملكاوية عندهم فكرة مغلوطة ان الاهلاوية عايزنيهم يسيبوا تشجيع الزمالك
ويروحوا يشجعوا الاهلى
والفكرة دى للاسف موجودة عند عدد كبير جدا من جمهور الزمالك
فتلاقى ليهم ردود ثورية كتيرة زى "مش حتقدروا تاثروا على حبنا لنادينا"
وحاجات كتير زى دى سمعتها من اصدقاء شخصيين ليا
انا واحد اهلاوى وجوايا كمية فخر ملهاش حدود بانى اهلاوى ميكفيش 100 موضوع لوصفها
لكن مفكرتش ولا مرة انى اخلى واحد زملكاوى يبقى اهلاوى
بالعكس من غير زملكاوية انا كاهلاوى استحالة احس بلذة قوية للانتصار
فمن هنا ومن هذا المنبر باحب اطمن الاخوة الزملكاوية اللى رافعين شعار
"مهما يحاولوا يطفوا الشمس"
وشعار
"صامدون صامدون"
اننا بنايدكم فى مساندتكم لناديكم ونتمنى الاستمرار فى ذلك
حتى تزداد المنافسة
وحتى تكون انتصارات الاهلى اكثر لذة واستمتاع
الرئيسية 
نقاط التميز
