مظاهرات في مدرسة ثانوية بالفيوم وحدوث اشتباكات ادخلو شوفو بلدنا........

يا جماعة انا عايزه اقولوكم على حاجة حصلت عندنا في المدرسة

احنا رحنا اول يوم في الدراسة
اتفاجئنا ان في عيلة في قريتنا اسمها عيلة (ابوجليل)
استولوا على المكان اللي امام المدرسة وبنوا فيه مباني وعايزين يعملوا المباني دي قهوة
مع ان الارض دي مش ملكهم ومش بتاعتهم اصلا
ودي ملك الدولة وملك المدرسة
طبعا الطلبة ماسكتوش وقالو ان المباني دي لازم تتشال
وعملنا اعتصام واتظاهرنا وكان موجود وكيل الوزارة وموجهين من الادارة
وبعد ده كله اتفقوا على ان الطلبة تاخد اجازة يومين الاثنين والثلاثاء
ومشونا من المدرسة الساعة 11
وقالولنا يوم الاربعاء كل المباني دي هتتشال
ورحنا النهاردة (الاربعاء) على اساس اننا نبدأ دراسة واننا نلاقي المباني اتشالت زي ما وعدونا
لاقينا هدوا جزء من المباني كأنهم بيخدونا على قد عقلنا (بيحيلونا) يعني
طبعا هتفنا وكلمنا الشرطة في محافظة الفيوم وقالوا انهم جايين
بس محدش منهم جه
لأوكمان احنا واقفين من الساعة 8 للساعة 12 عمالين نهتف ونعلي صوتنا
والمدرسين قاعدين بيتفرجوا علينا والمدير في مكتبه ولا على باله
كانوا قافلين باب المدرسة عشان منطلعش نهتف بره عند المباني قال ايه خايفين علينا
بعد كدة فتحوا الباب وقالولنا يلال عشان تروحوا بيوتكم
احنا مرضيناش نمشي وفضلنا واقفين امام المدرسة وحطينا حجارة في الطريق عشان محدش يعدي
المدرسين قاعدوا يقولولنا عيب امشوا تعالو بكرة الموضوع هيتحل بس طبعا مش هيحلوا حاجة
ده حتى المدرسين اللي كانوا معانا وبيشجعونا على التظاهر سابونا ومشيوا
فضلنا واقفين وبنتظاهر رحنا لقينا العيلة دي جمعت نفسها في عربيات
ومنهم ركب موتوسكلات
وقعدوا يجروا ورانا بسرعة كبيرة جدا
شوفتا الفساد وصل لفين
عايزين يموتونا عشان بنطالب بحقوقنا
وفي الاخر ضربونا بالحجارة لحد ما البنات مشيت بس الولاد كانوا لسه واقفين
وبنقول فرحانين ب 25 يناير وبالثورة
ده الفســـــــــــاد كتيرررررررررر اووووووي في البلد
انا مكنتش افتكر انها توصل للدرجة دي
والله انا اللي شفتوا النهاردة ده لحد دلوقتي مش قادرة اصدقه
حرام اللي بيعملوه حرام

انا على فكرة رفعت الفيديو اللي صورتوا على قناة المصرية برنامج (مصر النهاردة)
وبتصل من الصبح على رقم وزير التربية والتعليم ومحدش بيرد علينا
وكمان بعتله اكتر من اميل


شوفوا اللي حصل على الفيديو ده
ده يوم الاحد اول يوم دراسة قصدي (اول يوم تظاهر)

http://www.mediafire.com/?o60j8awgqo17x75

وده يوم الربعاء النهارده

mediafire.com 85bjbk5o0ladyc3

http://www.mediafire.com/?8bvo7g445mk6rk4


وهتفاتنا كانت وهتكون
شعار الثانوية هنطلب الحرية
لو عايزين مصالحنا بجد المبنى لازم يتهد


قولتو الاربع هنهدوها جه الاربع وما هديتوا اللي بيوعد ما بيوفيش رد جميله هنخرب بيته
اوعى تفتكرونا هنسيب حقنا ده احنا نموت لتخته تخدوها مننا
مش هنخاف مش هنطاطي احنا كرهنا الصوت الواطي
مزهقناش مزهقناش الحرية مش ببلاش
يا شباب يا شباب صوت الحق مش كداب

1 2 المدير فين

1 2 المحافظ فين

وانا هطلب منكم خدمة واتمنى انكم تعملوها ياريت يعني
انكم تنشوروا الموضوع ده على اكتر من موقع
وترفعوا الفيديوهات دي على كذا قناة
احنا الطلبة الحرة واللي مايعجبناش نقوله يلا برا
ودي بياناتي
اسراء جمال علي
الفيوم / مركز اطسا / قرية الغرق
مدرسة الغرق الثانوية المشتركة

واتمنى انكم فعلا تنشروه
عشان نقدر نوصل صوتنا لاي حد مسئول