[SIZE="4"]السلام عليكم ورحمة الله وبركاته
قبل اى شىء شاهد هذا الفيديو ليدخلك فى جو اللعبة ويعرفك عليها :
[ندعوك للتسجيل في المنتدى أو التعريف بنفسك لمعاينة هذا الرابط]مقدمة عن اللعبة :
هى لعبة كرة قدم تكون انت فيها اللاعب وتقوم بتدريب اللاعب وتجعله يلعب المباريات مع ناديه او مع المنتخب بجميع فئاته السنية ( تحت18, تحت21 , المنتخب الكبير ) وتنتقل بين الأندية التى تريدها تستقبل عروض وترفض عروض كل ما تريد فى هذه اللعبة المتميزة وتستطيع ايضا ان تمارس عملك كصحفى او مدرب او حتى وكيل أعمال بالأضافة إلى لاعبك بالطبع كما ان هذه اللعبة الجميلة توفر لك باللغة العربية ولغات كتير ( علشان لو بتتكلم صينى
)
لاعبك :
تبدأ اللعبة بلاعب 17 سنة تدربه حتى يصبح من أفضل لاعبين اللعبة فى مصر او فى العالم كله يزيد سنه كل موسم والموسم فى اللعبة 112 يوم ينخفض معدل تدريب اللاعب تدريجيا من سن 21 سنة أما قبل ذلك فمعدل تدريب لاعبك ثابت اذا حافظت عليه ,أهم فى اللعبة هو التدريب الجيد حتى سن ال 21 سنة ولا تركز فى أن تلعب مع ناديك فهذا مضر لك وليس مفيد فى بداية حياة اللاعب , تستمر فى التدريب الجيد مع لعبك بشكل بسيط أما مع منتخب بلادك او حتى اللعب مع ناديك حتى سن 21 سنة فعندها تكون انهيت معظم تدريبك المهم وتبدأ باللعب بأستمرار مع ناديك او مع منتخب تحت 21 سنة او حتى مع المنتخب للاعبين الكبار فوق 21 سنة ده لو لقيت مكان فيه وكنت بتدرب كويس
, تستطيع الأنتقال بلاعبك بين جميع اندية اللعبة والنادى الذى تريد لكن بعض موافقة مدرب ناديك بالطبع وان يرغب النادى الأخر فى شرائك , تستطيع اللعب فى بطولة الدورى والكأس وحتى البطولات القارية اذا كان ناديك فى أحدى هذه البطولات وهى اربعة ( أبطال الدورى , أبطال الكأس , أبطال القارة , كأس القارات ) وأيضا تستطيع ان تلعب فى بطولة الناشئين مع فريق تحت 19 سنة فى ناديك تزيد خبرة لاعبك كلما لعبت للمباريات وخاصة فى المباريات الدولية مع ناديك ومع المنتخب وسوف أتكلم عن الخبرة فى فقرة قادمة .
لما بتوصل سن 30 سنة بتقدر ساعتها تلعب بلاعب تانى من غير فلوس وده بيبقى ابنك وبتقدر ساعتها تتحكم فى لاعبين اتنين الأساسى والأبن وبيبدأ برضه بسن 17 سنة وكأنك لسة بادىء من تانى .
كمان تقدر تعيد البدء فى أى وقت تحس فيه ان لاعبك مش كويس فى التدريب او ضيعت جزء من تدريبك على الفاضى
صورة لأحد اللاعبين من داخل اللعبة
[ندعوك للتسجيل في المنتدى أو التعريف بنفسك لمعاينة هذا الرابط]ناديك :
تستطيع فى بداية حياتك ان تختار النادى الذى تريده ولكن عند اختيارك لناديك فأنت يجب عليك ان تختار النادى الذى يدرب مركزك فى بداية حياتك وبعد ذلك تذهب إلى نادى قوى لتلعب معه او تستمر مع ناديك
النادى بيتقسم لقسمين قسم للناشئين وده تقدر تفضل فيه حتى تهاية سن 19 ومع بداية سن ال 20 سنة بتتنقل تلقائى للفريق الأساسى وطبعا تقدر تروح للفريق الأساسى علطول حتى لو انت أقل من 19 سنة حسب رغبة المدرب بتاعك واتفاقه معاك
القسم الثانى وهو الفريق الأساسى وده اللى بيلعب كل البطولات الرئيسية اللى قلتها قبل كده .
فيه جدول تدريب بيحطه ناديك بيمشى عليه الموسم كله انت المفروض هتعمل تدريبك زيه وهشرح التدريب فى الفقرة القادمة كامل .
تقدر تتواصل مع اللاعبين الأخرين اللى موجودين معاك فى النادى عن طريق المنتدى التابع لكل نادى وكمان تقدر تكلمهم او تكلم اى حد فى اللعبة عن طريق الشات اللى موجود فى اللعبة .
صورة لأحد الأندية من داخل اللعبة
[ندعوك للتسجيل في المنتدى أو التعريف بنفسك لمعاينة هذا الرابط]التدريب :
زى ما قلت قبل كده التدريب أهم حاجة فى اللعبة ويمكن علشان كده انا ركزت عليه كتير وقلته كذا مرة .
التدريب هو اللى هيخليك لاعب مهم وكويس فى مستقبلك زى ما قلت قبل كده تدريبك بيفضل معدله زى ما هو لغاية نهاية ال 21 سنة بعد كده بيقل تدريجى لغاية سن 28 سنة وبتبدأ تقل فى مهاراتك اللى انت اكتسبتها طول فترة تدريبك فى اللعبة .
فيه نوعين من التدريبات :
تدريب فردى : وهو بتدرب فيه على مهارة انت عايزها غير اللى بيدرب عليها فريق والتدريب الفردى بيقلل فايدتك من تدريبك .
التدريب الجماعى : هو بتدرب فيه على نفس جدول تدريب النادى وهو أفضل تدريب طبعا لانه بيديك اكتر فايدة لتدريبك وكمان بيخليك تزيد بسرعة أكبر .
الطبيعى للاعب الصغير انه يكون معدله عالى وهذا هو المفضل لتكون لاعب جيد :
17 سنة لا يقل عدد مهاراتك اسبوعيا عن 10 مهارات
18 سنة لا عدد مهاراتك اسبوعيا عن 10 مهارات
19 سنة لا يقل عدد مهاراتك اسبوعيا عن 9.5 مهارات
20 سنة لا يقل عدد مهاراتك اسبوعيا من 9 إلى 9.5 مهارات
وهناك أيضا المهارات الذهنية التى تكتسبها ولا تتدرب عليها وتكتسب هذه المهارات بمرور الوقت وتستطيع انت اضافتها فى المهارة الذهنية التى تريدها .
وعلشان مطولش عليكم هنا فده موضوع مشروح فيه كل ما يخص التدريب فى اللعبة أرجو قرائته لأنه مهم جدا
[ندعوك للتسجيل في المنتدى أو التعريف بنفسك لمعاينة هذا الرابط]صورة عن التدريب
[ندعوك للتسجيل في المنتدى أو التعريف بنفسك لمعاينة هذا الرابط]المباريات :
أهم ما فى المباريات هو وضع اومر المباراة التى يعطيها لك مدربك وأيضا ان تكون جاهزاً من حيث اللياقة فيجب ان تلتزم بما يطلبه منك مدربك فى اللياقة وان تضع أوامر المباراة التى يريدها .
عند لعبك للمباريات تزداد فى الخبرة تلقائيا اما الشعبية والشهرة فتزداد فيهم حسب أدائك فى المباريات التى تلعبها .
يمكنك متابعة المباراة مباشرة بطريقتين اما عن طريق الكتابة النصية او عن طريق فيديو يعرض احداث المباراة ولكن هذا يتطلب فان فضى او ذهبى إلا فى ماتشات المنتخبات الثلاثة .
صور عن المباريات
[ندعوك للتسجيل في المنتدى أو التعريف بنفسك لمعاينة هذا الرابط]الخبرة :
االخبرة تزداد كلما لعبت مباريات وهى تزداد بطرق مختلفة فكل نوع من المباريات يختلف عن الأخر فى زيادتك للخبرة وهذا الموضوع يوضح طريقة حساب الخبرة وكم تزيد خبرتك ولكن هذه الطريقة ليست الرسمية ولكنها مستنتجة من تجارب لاعبين اخرين :
[ندعوك للتسجيل في المنتدى أو التعريف بنفسك لمعاينة هذا الرابط]المنتدى :
المنتدى جزء مهم فى هذه اللعبة فبه تستطيع التواصل مع مجتمعك الذى تنضم اليه اذا كان مصرى او غيره , أيضا تستطيع التواصل مع باقى أفراد فريقك وايضا منتخبك عند الأنضمام للمنتخب , أيضا تستطيع ان تسأل وتطلب المساعدة فى منتدى المساعدة الخاص ببلدك فى اللعبة ,
[ندعوك للتسجيل في المنتدى أو التعريف بنفسك لمعاينة هذا الرابط]بعض الصور الأخرى :
[ندعوك للتسجيل في المنتدى أو التعريف بنفسك لمعاينة هذا الرابط]البداية فى اللعبة :
أولاً لازم تسجل الأول عن طريق الرابط ده
[ندعوك للتسجيل في المنتدى أو التعريف بنفسك لمعاينة هذا الرابط]بعد ما تحط بياناتك وتسجل هتقدر تخش وتختار الأسم الخاص بلاعبك ومركزه ومكان ولادته ......إلخ
بعد التسجيل هتلاقى رسالة ترحيب من الأتحاد بها بعض مواضيع للمساعدة فى اللعبة
للمعلومة فقط : مركز المدافعين قليل فى مصر وفى اللعبة عامة
موقع اللعبة هو
[ندعوك للتسجيل في المنتدى أو التعريف بنفسك لمعاينة هذا الرابط]واى استفسار أخر عن اللعبة ممكن تسأله هنا لو لسة مسجلتش او فى منتدى المساعدة فى اللعبة وهيتم الرد عليه ان شاء الله
عايز اوضح حاجة اخيرة انه الهدف من الموضوع نشر اللعبة ومفيش اى هدف شخصى منه ولا ربح ولا اى حاجة[/SIZE]
الرئيسية 
نقاط التميز
