محمود كرم الدين محمود يكتب: رئيس شاطر ودستور أمور

نفسى ف رئيس شاطر ودستور أمور .. لما أقراه ابقى فخور .. مش وقت الجد ألبس فى السور .. يوازن بين السلطات .. ويحقق كل الطموحات .. ولاقتصاد قوى يأسس .. مفهوش إعانة بطالة وأنا لسه مفلس .. ومجلس شعب يبان .. أعضاؤه يبقوا جدعان .. ضد الفساد يقفوا ديدبان .. والرئيس يخوف الظالم ومع المظلوم إنسان .. عارف إزاى يوصلنا للأمان .. من غير ما نفقد عزتنا ونحس بخذلان .. رئيس يحقق عروبتنا .. ألقاه ف شارعنا وف بيتنا .. من غير جواسيس أقول له على أخبارى .. يحافظ على كرامتى قدام عيالى .. ماحسش معاه إنى شحات محتاج للدعم .. ولا يصبرنى بكلام يشيلنى الهم .. يعاملنى على إنى ليا اعتبار .. مش جاهل ولا غبى ولا .... ولا بلاش .. لو مش فاهم يفهمنى .. لو مش عارف ييجى يسألنى .. أقوله على اللى جوايا من غير ما أخاف .. لو بلدنا معاه مزنوقة مستعد أتعشى بعيش حاف .. وافرش جرنال ع الأرض ويبقى لحاف .. بس ما يبقاش ده حالى وهو يتصرف بإسراف .. يعيش بالأصول والأعراف .. أحس إن بيته شبه بيتنا .. وبعد ما يخلص فترته يطلع شريف ويرجع يسكن ف حارتنا .. ويسلم عليا بتواضع ويفكرنى بحدوتتنا .. ويقولى فاكر لما .. وتعلى ضحكتنا .. وألقاه بيحمد ربنا إنه عاش على قد ما عاش لكنه بالحلال طلع معاش .

جميل جدا حياة
شكراااااااا على التوبيك يا قمر

[quote="sarah"]جميل جدا حياة
شكراااااااا على التوبيك يا قمرr=darkred]نورتى يا قمر

[quote="wad-habeeb"]or=darkred]ويسلملى مرورك نورت التوبيك