خليك أجمل شاب فى العالم

بسم الله الرحمن الرحيم

والصلاة والسلام على أشرف المرسلين

السلام عليكم ورحمة الله وبركاتة

الموضوع ده عبارة عن حلقات

وكل حلقة عباره عن حوار بين اتنين

الاول وهو اللى هيغيرنا بجد
والتانى وهو الشاب
يعنى انا وانت

سياسته تحبيب الشباب فى الاسلام

شعارها هندخل الجنة سوا

وعشان كده لازم نصلح سلبيتنا الى بتوجهنا

ونبعد عن اى تفكير واى منهج يحاول يهمش الاسلام

او يشوه شكل وطبيعة الرجل المسلم

الرجل المسلم

يعنى

الأب

الزوج

الاخ

الابن

خليك معانا

عشــان تكون اجمـل

الحلقه الاولى

بعنوان
( زى اى شاب )

السلام عليكم ورحمة الله وبركاتة

وعليكم السلام ورحمة الله وبركاتة

عامل ايه ؟
تمام

ومع ربك عامل ايه؟

زى اى شاب بعيد عن ربه
وكل فين وفين لما يركع ركعة
و باستخدم بصرى فى الحرام
وبعق ابوى وامى
و..و..و..

طب وانت ايه اللى بعدك عن ربنا؟
ان اى واحد يقولى لازم علاقتك
مع ربنا تكون 10من10
او0من10

يعنى ايه؟
يعنى معظم الناس متبعه قاعدة
(الحلال الخنيق والحرام الفاجر)
يعنى يأما يمين خالص
يأما شمال خالص
مفيش حد ماشى فى النص
بس منحاز لليمين شويه

وانت عجبك حالك مع ربنا ؟

طبعا لا بس ا
عمل ايه؟وبعدين استحاله ربنا يغفرلى
ذنوبى ده انا عملت ذنوب
ماحدش عملها فى العالم
وعملت كبائر كتييير و..و..

تعرف انك كده قانط من رحمة الله
القنوط من رحمة الله اصلا من الكبائر
طب اعمل ايه؟؟!

انت مصدق ربنا فى كل كلامه ..
طبعا من غير تفكير

ممكن تسمع الايه دى
اتفضل ..
قال الله عز وجل
(قل يا عبادى الذين اسرفو على انفسهم
لا تقنطوا من رحمة الله
ان الله يغفر الذنوب
جميعا انه هو الغفور الرحيم)

صدق الله العظيم
انت مش حاسس ان الايه دى
بتكلمك انت

حاسس
خلاص انت لسه مش متأكد
ان ربنا هيغفرلك
ويمسحلك ذنوبك
ويعتقك من النار

انا ما قلتش كده
امال ايه؟
انا قصدى من السهل ان اعمل اى عمل وربنا يمسح كل ذنوبى
انت ماتعرفش مين هو الله
انا عارف

يتبع

ماتعرفش ان ربنا
كريم
ورحيم
وعظيم
ولما يغفركل ذنوب العالم
مش هينقص من ملكه شئ
عارف والله

امال مستنى ايه
طب تخيل معايا المشهد ده
لو قلت
اللى عاوزربنا يغفرله
يرفع ايده
الناس هتنقسم ل3 انواع
النوع الاول
هيرفع ايده من غير ما يفكر
النوع التانى
هيرفع ايده وهو بيقول
انا هعصى ربنا تانى بس
اهو تقل ذنوبى
والنوع التالت
بيقول حتى لو ربنا مسح ذنوبى
هعصى ربنا تانى
انا كده كسبت ايه

قصدك ايه من المثال ده

قصدى خليك ذكى و ثق فى الله
وتأكد انه مش هيرفضك
بس ارفع ايدك بجد
سيب الباقى على ربنا
والله انت غيرت تفكيرى
خالص
قولى بقى ازاى ربنا يغفر لى كل
ذنوبى ؟؟؟

ده اللى هتعرفه فى الحلقه التانية بأذن الله
اهم حاجه
تيقن نفسيا ان ربنا هيغفرلك
ولا يبالى
يلا سلام
قول السلام عليكم احسن

انت صح
السلام عليكم

وعليكم السلام ورحمة الله وبركاته
وانتظروا وحلقة جديدة

وخليك أجمل

الله المستعان

يابن أدم خلقتك من غير ذنوب وتاتينى وكلك ذنوب

جزاك الله خيرا ان شاء الله

اهلاويه موووت كتب:: الله المستعان

يابن أدم خلقتك من غير ذنوب وتاتينى وكلك ذنوب

جزاك الله خيرا ان شاء الله

وجزاكى بافضل منى باذن الله

الحلقة الثانيــة
بعنــوان
( الكلمـة الطيبة صدقـة )

السلام عليكم ورحمه الله وبركاته

وعليكم السلام ورحمه الله وبركاته

ايه اخبار الحياه معاك ؟

الحمد لله ماشيه تمام
حلقه النهارده لذيذه جدا

عن ايه ؟
مش هقولك الا فى الاخر
ما انا عارف انت كده دايما

ماشى
برضه هتعرف فى الاخر
بص سؤال صغنون اوى فى الاول
وغريب جدا فى نفس وذات الوقت
ايه هو ؟!
ما هى الكلمه ؟

انا ماشى

خد هنا
بجد والله عاوز الاجابه

اجابه عن ايه ؟

اجابه عن سؤال
ما هى الكلمه ؟
ياه على الصعوبه
بس ماشى برضه هجاوبك
يا صاحب الاسئله الغريبه
الكلمه
هو ما ينطقه اللسان
وهى اما ان تكون
اسم أو فعل أو حرف
بس
ده انت شكلك حفيظ من اولى ابتدائى

من بعض ما عندنا
ماشى طيب هات مما عندكم
عاوز باللغه الدارجه وبصوره عامه
وفى الحياه اللى عايشنها
امثله للكلمه
من حياتنا دلوقتى
هقول مثلا
شكرا دى كلمه
وميرسى والسلام عليكم ورد السلام
ولما اسأل عن حاجه وكده يعنى
جميل اوى طيب انا هقول لك
نماذج معينه من الكلمات
مثلا
ميرسى ،شكرا ،الحمد لله ، الله ينور
، عامل ايه ؟ ، برافو ،

ولما واحد يغلط
انت تشجعه على انه مش يغلط تانى
وتقوله كلمه ترفع من معنوياته
وكده
كلام كتيير اوى
بس طبعا اى كلام ممكن يكون كويس او مش كويس
ماشى فهمت كده
طيب احنا بنقول الكلام ده قد ايه فى اليوم ؟

قد ايه ... كتيييييييييير
بتاع 75 % من كلامنا كده
طيب ايه رأيك لما كل الكلام ده ناخد عليه ثواب

طيب ازاى بقى يا فالح

صلى على حبيبك النبى الاول

صلى الله على محمد
صلى الله عليه وسلم
حبيبك النبى( الكلمه الطيبه صدقه )وهنا حبيبك النبى حدد
الكلمه الطيبه بس
يعنى مش ترمى بالكلام
وتقول انا قصدى خير
يعنى النبى لما حدد
حدد نوع الكلمه وليس
اتجاه النيه
يعنى ما تهزئش واحد
وتقول علشان يفوق
لأ حاول معاه واحده واحده
وبردو النبى قال
( من كان يؤمن بالله واليوم الاخر
فليقل خيرا أو ليصمت )يعنى اما تقول كلمه حلوه
ولو مش عندك كلمه حلوه
يبقى مش تفتح بُقك
اسكت خالص

ياااااااااااااه
للدرجه دى حبيبنا النبى
خايف على مشاعرنا
والله بحبك يا رسول الله

شوفت اد ايه الدين وربنا والنبى
بيتدخلوا فى كل شئ حتى
نفسيتك
وعلشان محدش يزعل التانى
حتى لو كان مش قصده
برضه
لازم تراعى شعور اللى قدامك
ولو رعيت شعور اللى قدامك
وانت نيتك ان دى يارب
انا عملها بنيه انها صدقه
ده احنا كل يوم هنطلع صدقات
كتيييييييييير اوى
المهم دلوقتى
نخلى نيتنا موجوده فى كل لفظ نقوله

طيب انا ساعات بنسى
انوى ان الكلام ده
بنيه الصدقه .. اعمل ايه ؟

انوى من دلوقتى
وخلى النيه جواك من
اللحظه دى
وكل لما تفتكر جدد نيتك
علشان الثواب يتضاعف
وخلى نيتك
يارب انا عاوز احيى سنه قد اماتها الناس
علشان ربنا يحيى قلبك يوم ما القلوب تموت

ازاى هو مش كلنا هنموت!!

مش ده معناها .. ولكن معناها
ان يوم ما القلوب تموت يعنى
يوم ما الناس مثلا
مش تتأثر ومش تخشع
وقلبها يتملى ذنوب
ويبعدوا عن ربنا
ده معناها
والنيه التانيه
يارب ده بنيه ان الكلمه الطيبه صدقه

ماشى
و
يا حبيبى فكرنى ديما اجدد نيتى

حاضر

بس كده دى حلقتنا النهارده
ممكن تكون قليله
بس بتلفت انتبهنا
لشئ مهم جدا
يا رب نكون كلنا اخدنا بالنا منه
يلا

سبحانك اللهم وبحمدك
نشهد ان لا اله الا انت
نستغفرك ونتوب اليك

سبحانك اللهم وبحمدك
نشهد ان لا اله الا انت
نستغفرك ونتوب اليك

السلام عليكم ورحمه الله وبركاته

وعليكم السلام ورحمه الله وبركاته
انتظروا غدا

وحلقة جديدة

وخليك أجمل

» أجمل اللحظآت...
» شوبير: زيدان هو الذي يحتاج الأهلي وأنصحه خليك في أوربا أحسن لك
» أجمل ما صنع الغرب عن الإسلام
» من أجمل ما قيل
» أجمل صور كاكا